王贻兴曾经以作家及才子形象走入电视台，近年甚少参与幕前演出。上年有网民发现佢转行开班教人紫微斗数，近日王贻兴喺社交网站出PO表示晚晚教班教到深夜，打算喺农曆新年后就会「半收山」，只会同旧学生们见面食饭唱K打篮球，及只会做熟客批命风水。至于点解突然又呢个谂法，佢就表示唔係宣传策略，係佢身体劳累、对人性嘅丑陋及心灵上嘅疲倦已经去到临界点。
佢再力数学生不是，首先佢就话学生对佢同助手态度不一：「作为老师，学生对住你，多少总有几分礼貌同尊重，但同时我嘅助手们，多少都会话返俾我听，一啲对住你就好有礼貌，一背住你对住助手们，就态度大变、横蛮无理，提出各种过分要求，或者好多出尔反尔嘅人性丑陋实录。好多太核突嘅我为存厚道都费事讲，只係讲少少BB辣嘅级数例子：譬如几年前上过入门班初班，一早已经冇再继续读落去，但几年后突然WhatsApp返你，问你明年后年流年嘅私人问题，你都要免费帮佢开盘答佢☺️助手有礼貌婉拒，佢就闹返你转头，变咗係你唔啱，仲要再PM我投诉，你话係咪好癫先」。
之后佢再指有学生反口走数：「报名入数最后又诸多藉口反口走数已经係碎料，但仲要行去你面前呃你话我已经报咗名，叫你免费指点佢一啲同课堂无关嘅私人家居风水/命盘问题，或者其他同教学冇关嘅各种搲着数行逕，上完最后一堂前捉住你问晒全家祖宗三代三姑六婆到2046年嘅流年问题，甚至有啲义务帮完佢哋解决问题之后，佢哋答应会做善事或者还神，最后当然又係过咗海就神仙，睬你都傻，已读不回……」，及「当你每堂每个学生都尽心去教，堂堂超时delay，你学紫微但我好心教埋你风水，连你家人有事我都上心尽帮，甚至落堂凌晨都仲要覆Facebook IG嘅PM，永远只有比多，从冇比少，但最后换嚟嘅，係一次又一次，越嚟越频密嘅上述经历，我呢啲高敏感嘅i 人，顶咗三四年，其实已经好叻仔㗎啦」。最后佢感恩遇上好好嘅学生及指自己「剩返唔多嘅时间」，希望可以留俾值得嘅学生同埋家人朋友。
呢个PO一出，唔少网民及学生留言力撑，例如「我撑你呀！完全理解，生命有限，梗係要将啲时间留给我世上我最爱的人 而且有健康嘅身心先可以享受同最爱嘅时光！」、「身体排毒重要，心灵和精神排毒更重要 我们真的要对自己好一点，多做令自己开心舒心的事情，支持你呀贻兴老师！」、「老师，上过你班嘅同学，我相信会感受到你嘅肉紧，出力，真诚和关心，从冇Hea我哋，虽然有时好串，但我锺意，令到上堂气氛冇咁闷，上你堂係我哋福气，感恩」、「老师，我撑你啊，有d野尽左心就算，最重要的部份都係留番俾自己同重要嘅人，例如你个女。牛鬼蛇神周街都係，唔能够一一驱除就只能握固，守住自己最美好的一面」、「人性就係咁，算啦已经不同频率」及「所以人恐怖过鬼……係冇错㗎！」等等。
按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
