周励淇（Niki）最近「全面复工」密密接job，除了接拍护肤品广告，早前颗伙拍陈伟霆、影后刘雅瑟及冯德伦的剧集《太阳星辰》亦即将上架。
《太阳星辰》是腾讯视频跟Netflix首部同步联播的华语悬疑剧，剧集更入选今届「康城春季电视节」的MIPDrama Screenings Selection，是唯一一套亦是首部入围的亚洲剧集。Niki透露她于剧中饰演一名犯罪心理学医生，是冯德伦的太太，Niki谓多年前已于电影《天行者》跟冯德伦饰演情侣，这次再度合作「升呢」做夫妻，感觉有趣。除此之外，Niki表示这次最大挑战是饰演影后刘雅瑟母亲，坦言一知道即「O嘴」，「第一次同雅瑟合作，佢做我个女，对于我嚟讲係有啲挑战，一开始觉得：『咦，可唔可以做到佢妈妈呢？』我哋由后生饰演到老，所以喺造型上都帮助到唔少。」又大卖关子，「到时大家睇就会知道点解我会饰演到有一个咁大个女嘅妈妈，哈哈。」
对于「全面复出」，Niki笑说「冇退出过」，「小朋友都开始大，我觉得都可以喺幕前做返多啲嘢，陆陆续续工作得比以前多，有好嘅剧本、好嘅角色都想尝试。嚟紧会做剧嘅宣传，同埋会喺内地一段时间拍摄。」除了电影、电视，Niki表示想尝试做舞台剧，「因为我觉得舞台剧都係充满好多挑战，好多神秘感喺裏面，希望有机会有一日可以成为一个舞台剧演员。」
