由周家怡、李靖筠（Gladys）主理的网上平台《恨驾女团》继早前冲出香港「恨驾到大阪」，日前更冲出亚洲「恨驾到德国」，而为了庆祝这次出征，家怡更诚邀来周国贤，为《恨驾女团》节目创作主题曲《恨嫁恨嫁恨恨驾》，家怡及Gladys更于德国拍MV，认真有heart。
家怡表示这次机遇，缘于她之前跟周国贤合作拍剧，二人合唱《无人之境》，之后又邀请了周国贤为《恨驾女团》任一集嘉宾，「拍紧嘅时候我哋嘅枉阿姐就话不如写只歌俾我哋《恨驾女团》做主题曲啦，又估唔到周国贤好好咁应承咗。我哋有common friend就係小克，周生就即刻话搵不如搵小克填词，小克又好好，又好了解我同Gladys，所以就写咗呢只歌，搵咗高佬监製，因为之前《无人之境》都係高佬监製，成件事好顺利完成咗，好多谢佢哋。」
问到唱歌录音经验丰富的Gladys有否「指导」一下演员出身的家怡，Gladys即大讚家怡唱歌叻，「家怡唱歌好叻㗎，同埋我哋分开录，所以冇乜机会交流唱歌方面嘅嘢。」家怡亦谓唱歌「经验丰富」，「之前《导火新闻线》插曲有唱过，之后有套微电影《母亲和我的小事》又录过一只歌，啱啱又有一只係同周国贤合唱，冇记错今次应该係第四次。」家怡自言喜欢唱歌，又谓入录音室录歌的感觉很好玩，而为了这次录音，她特别找了唱歌老师上堂，「教吓我点样用声，费事出嚟效果唔好吖嘛。」她谓最难是用声音表达情感，「其实同演戏有啲似，因为演戏都係情感嘢，但係点样再运用多少少把声去表现到个情绪，而又可以融汇埋一齐，呢个我觉得係好好玩。」
至于MV中，家怡坦言最喜欢Gladys抛花球的一幕，「佢抛花球俾我接住，我觉得个画面好靓个构图，同埋颜色好鲜艳。」
